Nak'azdli ** *

'Uda' dune lhelhdoh khudidukhne ** tsuk lhts'odutni inle' * 'Et hughwa Nak'azdlit'enne 'Utnaneyaz ** bulh lhukhugan inle' * 'Utnaneyaz njan whut'akhubukh ulhih ** toot cha la 'ula'ts'i be lhukhul'en * Dune khuyenunulhtso ** k'a 'i lhai takhuyulhtseh 'i k'a bulh tizdli whe 'hoont'ukh * 'Uda' dune Nak'azdlung ** khuwhutni inle' " 'Utnaneyazk'a bulh tizdli " ni whe 'utni, ndi khuni ** * Hohda' Nak'alghun whut'at 'ulh nanint'i inle' * 'Ilhukh doocha 'Utnaneyaz whut'akhamba whe 'ulh dugheyuzso k'a be 'et 'uja 'ulh da'khuntiz'il 'ink'ez noo suli' * 'I 'unt'ukh 'andit Nooyiz ts'utni ** ookw'uzts'e cha Tl'otizdli ts'utni ** *

HOME BACK

Yinka Dene Language Institute 2001

Yinka Déné Language Institute © 2006